गटारी अमावस्या आणि दीप अमावस्या: महत्त्व आणि पारंपरिक रिती

           हिंदू धार्मिक सणातील श्रावण महिन्याला आध्यात्मिक खूप महत्त्व दिले जाते . या सर्वांमध्ये, श्रावण अमावस्या ही पवित्र श्रावण महिन्यात येते म्हणून मोठ्या भक्तिभावाने पाळली जाते. या सणाला खूप महत्त्व आहे. गटारी अमावस्या महाराष्ट्रात मोठ्या उत्साहात साजरी केली जाते. जसजसा श्रावण महिना जवळ येतो तसतसे अधिकाधिक मांसाहार प्रेमी नॉनव्हेज (मांस मच्छी) खातात आणि दिवसभर मज्जा करतात, त्यानंतर श्रावण महिन्यात मांसाहार करणे बंद केले जाते.

          श्रावण महिना हा महादेवाचा आवडता महिना त्यामुळे या महिन्यात, हलके जेवण, शाकाहारी भोजन केले जाते. त्यामुळे हया महिन्यातअमावस्या महत्त्वाची मानली जाते . सोमवती अमावास्येला महादेव शिवशंकराची उपासना, आराधना आणि नामस्मरण करणे अत्यंत शुभ मानले जाते . त्याचप्रमाणे आषाढी अमावास्येला दीपपूजनाची प्राचीन परंपरा आपल्याकडे आहे. त्यामुळे याला दीप अमावास्या असेही म्हटले जाते. देशातील काही भागांमध्ये आषाढी अमावास्या हटके पद्धतीने साजरी केली जाते. याला गटारी अमावास्या असे संबोधले जाते. श्रावण महिना हा पावसाचा असतो. या काळात प्राण्यांमध्ये रोगराईचे प्रमाण जास्त असते. तसेच या कालावधीत पचनक्रियासुद्धा मंदावते. त्यामुळे मांसाहार न करण्याचा सल्ला तज्ञ देतात.